A Pu Tei Innsang Rawleinak Kiangah A To Ve Nan Rawlei An Siang Lo

Hnenum pakhat cu a pu tei innsang in an vahsuahnak ah an hruai, restaurant cangkang zet ah rawl an ei ih an kiangih to an hnenum cu rawlei an siang lo. An cabuai parah rawlei an siang ve lo ih rilrawng zetin an rawlei lai cu a zoh ringring.

An kiangih rawlei Cey Budomo timi nu in arak hmu ih a lainat tuk ruangah a zuk thup. Cutin online parah a tarlang ih mipi thinlung a kekkuai ter zet.

Cey Budomo in “Pitar in an hnenum cu a ko ih a rawlei ding cu plastic bag in a tuamsak hnuah a hmaiah a ret, an tabuai parah rawlei an siang ve lo. An kiangih rawlei an siang lo asilen restaurant ih hruai ding an si lo. Hnenum khal minung thotho an si” tin a tarlang.

Himi zuk cu a rei zet zo nan tulai ah a tharsal. Minung zaten Pathian ih sersiammi kan si. Milian le farah khal kan danglam cuang lo, zovek kan va si khallen minung vek ih pehtlaihaw ringring ding kan si. Pathian in mibawmtu, mi ṭanpitu dingah A lo sersiam ti kha thei ringring aw.

Be the first to comment

Leave a Reply

Your email address will not be published.


*