A Pu Thlan Ah An Va Feh Ih Nauhakte In “Khinah Ka Pu Aum” Tin A Pu A Hmu

Nauhak in thuphang an rel dah lo ih an thil theihmi le hmuhmi cu thinlung thiangten an relsuak ṭheu. Malaysia nu pakhat in a fapa kum 3 mi hruai in a pai thlan ah an va feh, pangaiten thlacamnak le thlanhalnak an nei tum nan thil danglam zet a thleng.

A fapa kum 3 mi in hmun dang a zoh ringring hnuah a khih ih “Khinah ka pu aum” a ti, midang in an zoh ve nan zianghman an hmu lo ruangah an mangbang tuk.

A nu Syaza cu media pawlin thu an va sut ih ‘A pa hi kan dung kum 2020 December thla ah cuap lam damlonak in mual a liam. A thlan an va feh sun ahcun a fapa in a pu a hmuh thu a rel, asinan himi hnuah thil danglam zianghman a thleng nawn lo. An inn sung khalah thil danglam zianghman a thleng lo a ti.

Cun a fapa cu a pu ih tu neihsun a si thu khal media hnenah a sim thei. Online mipi pawl khalin hivek thil an tong ṭheu thu an rak tarlang ve, “Ka fapa nauhak lai thawn an bangaw tuk, thlanmual kan va feh tinten ka fapa in “Khinah ka pu a to, in rak hngak” a ti ṭheu tin’ an comment.

Be the first to comment

Leave a Reply

Your email address will not be published.


*