A Rualnu Thi Zo In A Phone Ṭheu

Dot Chianni timi nu in a thilton cu Reddit ah hitin a tarlang: “Ka rualnu hi misual in an rok ih an that, a thuhla hi zingzoi rero lai a si ih a ruak khal siizung ah an zohdik.

Tualthattu khal palik pawlin an kai ih thawnginn sungah an khum zo, ka rualnu ih phone cu zohman in an hmang nawn lo ih a battery lasuak in an ret ṭha. Zan khat cu ka itthat laiah phone call ara lut thutthi ih number ka zoh cu ka rualnu ih phone number a si ruangah ka lau tuk!

A pasal in a phone number hmangin in call tla a si thei tin ka vun kai cu zohman an ṭong lo ih thawthaw awn hut’ho ka thei ih ka ṭih tuk ah phone cu ka off lohli.

Cumi hnuah call ara lut lala ih ka rualnu ih number thotho a si, ka kaisal ih ka rualnu ih aw ciahciah in “In bawm aw” a ti hnuah a off, zingkhua a vang veten a pasal cu ka phone lohli ih a pasal khalin zan ah a nupi hnen ihsin phone call a dawng thu in sim.

A phone an ret ṭha mi an va zoh ih a sungah battery khal aum lo, call biaknak sulhnu khal zianghman aum lo cu kan mangbang tuk. Cumi hnu khalah phone call hi kan dawng ṭheu, asinan a ruak kan vuiliam hnu ihsin cun ziang thawmvang khal kan thei nawn lo, phone call khal aum nawn lo” a ti.

Be the first to comment

Leave a Reply

Your email address will not be published.


*