A Rualpa A Runnak Ah A Thi

Mizoram, Reiek Kai tlang tlawng lui tiva ah rualpiza nuamcen dingin an va feh ih cansualnak an tong. December 13, 2021 ah rualpiza mi 8 cu picnic spot Azuali Falls ah nuamcen in caan an hmang ih mi pahnih cu tiva ah an tla that.

Tlangval kum 26 mi Lalmawipuia cu tiva ah a tlasual, a rualpa Anthony Lalhruaizela (kum 23) in run tum in tiva ah ava dawp ih tileuh a thiam ve lo ruangah an rualvah in tiva ah an pil that.

Sun nazi 2:30 hrawngah an cangsual ih an tlak hnu reilote ah an ruak hi hmuh a si. Anthony Lalhruaizela hi Pukzing khuami a si ih ralkap á¹­uanlai a si, cawlh la in a tlung duak ih Dawrpui Vengthar ih um a u tei inn ah a thleng ih rualpiza an vahsuahnak ah vanduainak a tong.

Lalmawipuia hi December 14 sun nazi 12:00 ah an vuiliam ih Anthony Lalhruaizela cu an khua Pukzing ah an tlunpi hnuah an vuiliam ding. (#Mizo Special Report)

Be the first to comment

Leave a Reply

Your email address will not be published.


*