A Rualpa Hnenah ‘Na Fala’n In Uar’ A Tiih Nam In Arak Dawt That

Australia, Sydney khawpi ih um mino kum 16 mi Alosceous cu a rualpa hrangah a rinum zet, phatsan awk a duh lo ruangah a rualpa hnenah ‘na fala’n in uar. Itpi dingin in ngiar’ tin ava sim thei ruangah a rualpa in arak that sawn.

June 4, 2022 zan ah fala in a tlangval le a rualpi pawl cu an inn ah party-nak nei dingin a sawm khawm. Party an tuah ih an nuamaw zet, an party-nak ah Alosceous in a rualpa hnenah ‘na fala in itpi dingin in ngiar’ a ti ruangah a rualpa cun nam in a dawt that.

Fala innhmai ah a dawt ih a kiangah mino 2 an um ve, vengsung mipi pawlin an thawmvang an theih veten palik pawl an ko. Palik pawl an va thleng ahcun Alosceous cu arak thi zo, mithi ruak kiangah mino 12 hrawng an rak um ih tualthattu le mino 2 cu an tlanhlo, kai dingin an hawl rero lai.

Palik pawlin an party-nak hmun ah zu le ritheihsii khal an hmu ih mino ṭhenkhat cu thusut dingin an hawl. Alosceous hi miṭha le mifel zet a si ruangah tlawnginn khalah ngainatu anei tam zet.

An sayama in, “Mino cungcuang a si. Kum 22 sungah tlawngta nauhak tam zet ca ka rak zirh zo ih Alosceous vek zohman an um lo. A nuncan zazia hi ka theihhngilh nawn lo ding” a ti. Mipi in, “A rualpa hrangah thilṭha a tuah nan a nunnak a can phah. Tualthattu hi mi ṭihhruh a si ih reipi thawngtla seh” an ti.

Be the first to comment

Leave a Reply

Your email address will not be published.


*