A Rualpi Ṭha Bik A That

Vintai khua ih um pacang kum 34 mi Vyache in a rualpi ṭha bik cu ramlak ah a hruai ih a soisa ciamco hnuah amai thlan ding a laihter, cutin a that ih a phum hngal.

Cumi hnuah Vyache cu tualsung palik pawlin an kai ih tualthat thubuai an orhter lawk nan thilumdan pawl an theihfiang hnuah cun tualthat thubuai an orhter nawn lo ih mah le mah thataw dingin hringhrotu tin thubuai niam sawn an orhter.

A thubuai orhmi cu tualthat thubuai a si nawn lo ih midang thataw dingin hringhro timi thubuai a si ih kum 6 sung thawngtla dingin a thu an ṭhencat, a thawngtlak sungah hremnak le hnaṭuan harsa an fial zik lo.

Cumi hnu khalah an khua mipi pawlin thubuai zianghman orhter lo dingin an ngen ih thuphorhnak an tuah ruangah thuneitu pawl cu an luzing zet, a thuhla cu an buaipi vivo lai dingih mipi ngennak in nehnak a co asilen an suah zalen sal ding.

Ziangruangah a rualpi ṭhabik a that ti asilen a rualpa in a fanu kum 6 mi arak pawngsual ruangah a si. A rualpa cu kum 32 mi Oleg a si, a itthat sungah a phone a zohsak ih a fanu kum 6 mi a sualpi lai video a hmu.

A fanu nauhak te cu a puahcok ciamco ih a fanu in, “Oleg, a tawk zo, ka tuar thei nawn lo, Inn ah ka tlung duh” tin a ngen rero lai video cu hringtu a pa in a hmu ih a ningna tuk ruangah a rualpi ṭhabik cu a that.

Cun a phone sungah nauhak dang kum 6 mi le kum 11 mi a pawngsual lai video khal an hmu bet, nauhak dang 2 khal an khuami an si. A fala hlun ih fanu khal arak sualpi ṭheu, asinan a fala hlun in zianghman arak thei dah lo, video an zoh hnu lawngah a theisuak.

Tualsung mipi pawlin, “Ziangvek pacang khalin a thiltuahmi hi an tuah thluh ding, mai fanu pawngsual lai video hnuah ziangvek pacang khalin an tuar thei lo ding, an um men thei lo ding. A thiltuahmi hi an tuah ve ding. Midang hrangah zohthim tlak a si” an ti.

An ram hruaitu upa pakhat in, “A thubuai hi relsak a har tuk, ziangvek hremnak kan pe ding ti kan rel thei hrih lo. Mipi pawl cu a lamah an tang thluh” a ti.

Be the first to comment

Leave a Reply

Your email address will not be published.


*