A Rualpi Ṭhabik A Thih Hnuah A Nupi Thawn An Neiaw Ih >>>

US pacang Alex Lowe le Conrad Anker cu rualpi ṭha zet an si. Conrad in, “Ka unau a si” a ti. 1999 kum ah Tibet vur tlang sang zet Mount Shishapangma cu kaisuah an tum.

Cutin tlangpar an kai laiah vur tlang cu a cim thutthi ih kham ah an tla, vur tlang in minung 31 ih nunnak a la. Alex le an cameraman cu a hmun ah an thi, Conrad lawng a damkhuasuak.

A rualpa in a nupi le a fate 3 a thihsan cu a tuar a naa tuk ih a rualpa a runsuah thei lo ruangah a thiamaw lo. Cutin thla 3 hnuah a rualpa ih nupi thawn an duhaw ih an neiaw, a rualpa aiawh in a tantami a innsang cu a dinsuak sak. A rualpa ih fale pawl khalin “Ka pa” tin an ko ih mual liamtu an pa ngainak khal a ziaum phah.

Innsang nubik Jenni in, “A kiangih ka um tinten Alex kiangih um vekin ka theiaw, puan hlun neisal vek ka si” a ti. An innsang in Tibet ram ah an va feh ṭheu ih Alex ih sulhnu pawl an cuan.

Be the first to comment

Leave a Reply

Your email address will not be published.


*