A Rualpi Pawl Thawn Rawl An Va Ei, A Thiarawk Sungah An Rak Tlanhlo Thluh, Rawlei Man Pek Ding A Neih Lo Ruangah A Talbuai

China, Yunnan Province, Baoshan khawpi ah rualpi phatsan awknak a thleng ih palik tiang an ko phah. Fala Xiao Li cu a rualpi pawlin barbecue restaurant ah zanriah kiltlang dingin an sawm, minung 10 hrawng an si.

Cutin, rawl an ei hnuah thunuam an reltlang khawm ih Xiao Li cu ava thiarawk lawk, cumi sungah a rualpi pawl cu rawlei man pe ta loin an tlanhlo thluh. Xiao Li lawng a tang ih restaurant neitu in sumpai a dil ih sumpai 200 yuan lawng anei, an rawlei man cu 500 yuan lenglo a si.

Xiao Li cu restaurant sungah a talbuai, a rualpi pawl a phone rero nan zohman in phone an kai duh lo. Curuangah restaurant neitu in palik pawl a ko ih ‘Rawlei man an pe duh lo’ a ti, zantlaipi hnuah a rualpi ṭha pakhat a phone ngah ih a parih thilthleng cu a sim thei hnuah a bank ah sumpai a kuatter.

Cutin an rawlei man cu a pe thei ih a tlung thei, palik pawlin a rualpi pawl cu an dem zet ih ‘Rualpi ṭha cu harsat caan ih bawmawk ding a si” tin nun an sim. Ziangtin a rualpi pawl thawn an umtlang vivo ding ti cu theih a si lo nan an remaw nawn lemlo ding a zumum.

Be the first to comment

Leave a Reply

Your email address will not be published.


*