A Rualpi Pawlin Aungbali An Poh Ngah Ih An Pe Ve Lo Ruangah Taza A Cuai

Canada, Ontario khawpi ih um Philip in a rualpi mi 16 cu aungbali an poh ngah ih zianghman an pe ve lo ruangah $70,000 zat ngah dingin taza a cuai. A rualpi 16 pawl thawn nuamcen in an vak ih a rualpi pawl cu sumpai thawhkhawm in aungbali an lei, Philip in sumpai a thawh ve lo.

Thil an tuahtlangnak ah Philip hin sumpai a thawh dah lemlo. A rualpi pawlin aungbali $1 million zat an poh ngah ih $62,500 zat ciar an zem’aw, Philip cu an zem ve lo ih an theihter lo. Online fehtlang in Philip in aungbali an poh ngah thu cu arak thei ih a ningnaa tuk ruangah taza a cuai.

Philip in, “Aungbali an poh ngah ti ka theih sun ah a lakin pizza ka dawng thluh, ka pizza eitu pawlin aungbali sumpai tam zet an nei ti ka thei. Mi pakhat ah $62,500 zat in an zemaw ih in zem ve sehla cun $58,000 zat ciar kan ngah ding” a ti.

Court hmaiah a rualpi mi 16 aiawh ih thusimtu in, “Philip in aungbali leinak ah sumpai zianghman a thawh ve lo ruangah taza a cuaimi cu kan cohlang lo. A rualpi minung 16 hrangah kan ausuak vivo ding” a ti.

Be the first to comment

Leave a Reply

Your email address will not be published.


*