A Sentecai In Midang Fa A Pai Nan A Duhdawtnak Cu A Ti Danglam Cuang Lo, Nupi Ah A Nei

Ṭhenkhat mipa pawl cu innsang din ngam hrih loin nunau lakah nuamcennak lawng an duh ṭheu, ṭhenkhat mipa asilen nuamcennak men aiin duhdawt mi thawn innsang dintlang hi an hril sawn.

Philippines ramah tleirawl Abbygail Marquez timi arak um, tlangval anei ih nau a pai ruangah a tlangval in ṭuanvo la ngam loin a tlansan. Abbygail Marquez cu a thinhar in a beidong tuk nan a naupai mi cu thlak a tum cuang lo.

Cutin, aum laiah facebook ihsin tlangval Jay Fenandez in arun bia thutthi. Abbygail Marquez le Jay Fenandez cu nauhak te an si lai ihsin tlawngkai tlang an si ih an nelaw zet.

Jay in arak uar thei tuk nan thuhla phunphun ruangah kopaw loin hmun dangdang ah an um, Jay in a sentecai a si thu sim a tum zawngah tlangval dang anei ti a theih ruangah daiten aumsan.

Asinan nau a pai hnuah a tlangval in a tlansan ti a theih veten arun biasal a si, Jay ih duhdawtnak cu a danglam cuang lo ih neihawk a sawm nan Abbygail in a cohlang ngam lo.

Jay cu tlangval fel zet a si ih a hmel khal a ṭha in fala pawlin an uar thei zet ti a theih ruangah a cohlang ngam lo, cutikah Jay in ava leng ih thungai thlakin duhdawtnak biathu a hlan.

Mitthli thawn “Na fate khal ka fa vekin ka zoh ding” tin a sawm hnuah Abbygail in a cohlang ih an neiaw. Abbygail Marquez in fa a hring ih a pasal khalin amai fa vekin a zoh, innsang lian tuk cu an si lo nan an innsang ah duhdawtnak aum ruangah zodang ngai loin hringnun an hmang rero lai.

Be the first to comment

Leave a Reply

Your email address will not be published.


*