A Sentet Lai Ih A Rualpa Tei Innsang A That

May 4, 2022 ah Thailand mipa kum 29 mi Min Chuemchum in a sentet lai ih a rualpa tei innsang member 3 a that. May 4 sun ah an inn ah ava leng ih an rak um lo, a rualpa ih pi kum 58 mi lawng arak um. A pi in bazar an va kai lawk a tiih innsung ah a hngak.

A rualpa kum 27 mi Sarawut le a nupi Kornwika (kum 37) cu an thleng ih Chuemchum in arak hmuak. An motor par ta thilri bungrua khal a thiarbawm, Sarawut le a fapa kum 5 mi cu innsung ah an va lut ih Chuemchum in a thlun. A rualpa thawn coka ah an va feh ih meithal in vei 10 a kap, a hmun ah a thi cih.

Cun, sangka kiangih um a rualpa ih fapa kum 5 mi khal meithal in vei 7 a kap hnuah an tual ih um a rualpa ih nupi cu vei 5 a kap. Inn dunglam ah ava tlan ih a relh, a rualpa ih pi cu a kap lo. Tualthatnak ah meithal vei 20 rori a hmetpuak, amai meithal le a rualpa ih meithal a hmang.

Vengsung mipi pawlin meithal awn an thei ih palik pawl an ko lohli, an inn hmai ah mipi an um tam zet ih tualthattu cu innsung ih aum lai ruangah palik pawlin mipi cu an tlanter. Palik pawlin an pel rero hnuah tualthattu cu an kai ngah.

Thu an suhnak ah Min Chuemchum in, “Tunaite ah ka nu cu ritheihsii thuhla ruangah palik pawlin an kai ih kum 25 sung thawngtla dingin a thu an áš­hencat. Ka nu in sualnak zianghman anei lo, a innsung ih ritheihsii an hmuhmi cu ka rualpa Sarawut ta a si. Sarawut in a ritheihsii cu ka nu tei inn ah arak thup, curuangah ka that” a ti.

Be the first to comment

Leave a Reply

Your email address will not be published.


*