A Sumpai Hawlnak Thirleng (Rickshaw) Parah A Thi

Covid-19 natsia in Myanmar ramsung a nuai ciamco ih damlo le mithi an tam zet zo. Ṭhenkhat cu an damlo nan tuamhlawmnak sumpai an neih lo ruangah an buai zet. Bawmtu an ko rero lai ih thi khal an um.

Innsung ah tuamhlawmtu nei lo ih thi khal an um hnuaihni zo. Nitinten eicop hawl hrangah cun Covid-19 aiin rilrawng tihal ih thih an ṭih sawn ruangah sumpai hawlin an poksuak thotho. Cutin lamzin kap ih thi khal an um.

Myanmar ramsung ih pacang pakhat khal thirleng (Rickshaw) thawn sumpai hawl ṭheu a si ih a damlo cingin a poksuak cu lamzin kap ah ava thi. A hmin le an khua hmin cu an tarlang lo nan July 22 sun ih thilthleng a si tin an tarlang.

Kiangkap um pawlin mibawmtu pawlkom an ko ih a ruak cu an thiar hnuah a innsang pawl pehtlaihdan ding an hawl. A innsang pawlin an theih tikah an ningnatdan ding cu ruatsak in thin a nuam lo.

Be the first to comment

Leave a Reply

Your email address will not be published.


*