A Sumpai Laklutnak Hi A Danglam Zet, Tlangval Rinum Le Rinum Lo A Hniksak Ih Hlawh A Nei

Spain ram ih um model Carolina ih sumpai laklutnak cu a danglam zet. Midang tlangval pawl an rinum le um lo hniksaktu a si. Fala pawlin a hnenah sumpai an pe ih an tlangval cu an hniksakter.

A bum thei asilen sumpai cu a ngah, a bum thei lo asilen sumpai cu an fala pawl hnenah a pe kirsal ṭheu. Tlangval pakhat a hniksaknak ah £1,400 ($2,000) zat a ngen. Carolina in, “An fala pawlin an tlangval rinum le um lo an theih duh ruangah hniksak dingin in fial, an tlangval ih phone number le Instagram pawl in pe ih ka vun bia hmaisa.

Ṭhaten kan biakawk rero hnuah an thinlung hip dingin ṭongkam phunphun ka hmang. Ihum zetzet ṭongkam ka hman ih tongaw dingin kan reltlang thei asilen ka hniksaknak ah nehnak ka co tinak a si” a ti. Tlangval a biak pawl thawn a tak ah an tongaw lo, a thupten tongaw dingin an reltlang thei cun a hlawhtling tinak a si ih sumpai a ngah.

An rak duh lo asilen sumpai cu fala pawl hnenah a pe kirsal. Mipa cu bum an rak awl deuh a si men ding, Himi a hnaṭuannak ihsin sumpai £7,400 ($10,000) a ngah zo ih sumpai pawl cu a taksa tuahmawinak ah a hmang.

Be the first to comment

Leave a Reply

Your email address will not be published.


*