A Thi Ih Jesuh Thawn An Tong Aw Hnuah A Nungsal

Kum 78 mi Betty in thih hnu ih thilthleng a tonmi pawl cu America’s Inside Edition TV programme hnenah a sim thei. Betty in, “Operation in tuah laiah ka thi, siibawi pawl khalin ka thi zo an ti. Ka taksa sung ihsin ka thlarau a suak, siizung ihkhun parih um ka taksa cu ka hmu ih ka thi ti ka thei aw.

Hlanlai mi pathum an ra ih ka thih thu in sim thei. Ka innsang pawl ka hmu duh ka tiih siizung sangkate ihsin kan innlam ah in zampi. Kan innhmai tokham ah ka pasal cu riahsiat hmel zetin arak to. Ka pasal le ka fale pawlin ka thih thu hi an thei hrih lo ruangah ka seherh tuk.

Ka pasal kiangah reilote ka ding lawk. Siizung lamah kan kirsal ih cutawk ah Jesuh thawn kan tong aw, Jesuh in in rak pom ih ‘Na caan a kim hrih lo’ in ti. Vancungmi pathum in pangpar hmuan nuam zet ah in hruai, leitlun ah hivek ih pangpar hmuan nuam hi ka hmu hrih lo. Cutawk ah Pathian thawn kan tong aw ih ‘Na kirsal a ṭul’ in ti. Ka taksa cu ka hmu, ka taksa sungah ka kirsal” a ti.

Kum 5 hnuah a thilton cu siibawi hnenah a sim thei ih siibawi khalin caan reilote sung a thih thu arak sim. Pathian cu a mawi tuk a ti. Thih hnu khawvel ih kirsal a cak thu khal a rel, a thilton thuhla cu cabu ah a ngankhum ih a cabu hmin cu ‘Embraced by the Light’ ti a si. Thihnak tong zo pakhat khalin, “Thih hi ka ṭih nawn lo. Tu khalah ka thi asilen poi ka ti lo” a ti.

Be the first to comment

Leave a Reply

Your email address will not be published.


*