A Thi Zik Te, A Thih Hlanah A Ngainat Zet Mi Zu A Tep Duh. A Fanu In A Lungthlitum A Kimter

Australia ram ih um putar pakhat cu a damlo besia. Siizung ah an tuamhlawm ringring nan ṭhat lam a pan thei nawn lo, siibawi pawl khalin beiseinak an nei nawn lo. Putar in a thih hlanah a ngainat zet mi Bundaberg Rum cu veikhat te a tep duhsal.

Curuangah a fanu Ann in a pa cu a ngainat zet mi zu a tepter ta. Ann in zu cu syringe in a zuk ih “Pa, na zu ka rung lo ken sokhaw, na kaa ah ka lo fawrh ding” a ti. A pa cu zianghman thei loin siizung ihkhun parah a it ringring.

A kiangah a nu khal aum ve. A kaa ah zu cu malte an fawrh ih ‘a thaw maw?’ tin an sutnak ah a lu a cangter ih “Thaw a ti tuk” tin an au. A pa cu a thih hlante ah a duh zet mi zu a tep ngah ih hnangamten a thi. Online mipi pawlin an lawm zet ih innsang duhdawtnak a si an ti.

Ṭhenkhat in ziangtin siizung sungah zu na kenglut thei tin an sut ih Ann in, “Ka kawr sungah ka thup ih ka pek laiah sangka pawl kan khar thluh” a ti.

Be the first to comment

Leave a Reply

Your email address will not be published.


*