A Thi Zo Ah An Ruatsual Ih Siizung Lamin Thihnak Certificate La Dingin An Phone, Amah In Phone Arak Kai

Siizung lam hnaṭuantu pawl khal thil an tisual thei ve. India, Maharashtra pacang 54 mi cu tlawngkai nihnih sunah phone call a dawng ih nunau pakhat in ‘Thane Municipal Corporation (TMC) ihsin an call thu a sim thei.

An call-nak a san cu ‘mithi hmin Chandrashekhar Desai ih thihnak ca poimawh (Death Certificate) ra la uh’ a ti. “Tu ih na biak mi hi Chandrashekhar Desai a si hi” a ti cu phone call-tu khal a mangbang tuk.

‘Nan innsang ah midang mithi an um maw, Covid-19 ih damlo teh an um maw?’ tin a sutsal hnuah phone cu a thlak cih. Siizung lamah ava feh hngal ih an upa pawl hnenah thilumdan a sutfiah.

TMC officials in an hminsinnak (reporting system) thilri a fehsual ruangah a si ding an tiih an rak zingzoi ding thu an sim. Chandrashekhar Desai cu lungawi lo zet in a tlungsal, amah hi August 2020 kum ah Covid-19 in arak damlo ih an tuamhlawm hnuah a ṭhasal zo. (#Indiatimes)

Be the first to comment

Leave a Reply

Your email address will not be published.


*