A Thi Zo Tin An Phum Hnuah Kum 47 Sung A Nungdam !!!

1915 kum ih thilthleng hi a mak in a danglam zet ruangah tuini tiang thuthang cahmai ah an tarlang rero lai. 2001 kum ah Jan Bondeson in cabu ah a ngankhum ih a cabu hmin cu ‘Buried Alive: The Terrifying History of Our Most Primal Fear’ ti a si.

South Carolina, Blackville ih um nunau Essie Dunbar cu lungphu cawlin a thi thutthi, tualsung sibawi Dr. O.D. Hammond in a zohdik hnuah a thi zo a ti. Vengsung mipi pawl khalin a thi tin an nenhnget ve, cutin a ruak cu phum an tum ih khua dang ih um a naunu an hngak lawk.

A naunu cu a thleng thei lo ruangah vuinak caanserh an rak hmang ih an phum, simlam ah a nunau cu ava thleng ih a u ih hmel cu veikhatte a zoh duh ruangah upa ṭhenkhat le pastor thawn thlanmual ah an va feh. Thlan cu an leisal ih thlankuang an vun ong cu arak nung lai, a to thutthi ruangah an ṭih tuk.

A naunu khalin thla ah a ruat ih a au ciamco, an ṭih tuk ruangah an tlan thluh. Essie Dunbar cu an khuasung ah ava lut ih zombie ih rak ruattu khal an um, asinan thilumdan pawl an zingzoi hnuah a thi lo ti an theifiang. A thi ah an rak ruatsual ih an phum, neta ah mipi in zohdiktu sibawi khal an mawhthluk.

Hitin an phum hnuah leitlun ah kum 47 sung a nungdam lai ih a thuhla cu mipi in an rel ringring. Pasal anei ih innsang a din hnu May 22, 1962 ah a thi, a thih tikah kum 70 mi a si. A veihnihnak an phumsal ih a nungdam nawn lo.

Be the first to comment

Leave a Reply

Your email address will not be published.


*