A Thih Hlan Ah A Saduhthah An Tuahsak

Malaysia, Langkawi khua ih um tleirawl kum 14 mi Noraifa cu thluak cancer in a dam lo, kum 6 sung a dam lo zo ih a vaksuak thei lo. Sibawi pawl khal an beidong ih a nunnak ding lamzin aum nawn lo tin a innsang pawl hnenah an sim.

Kum 6 sung damlo in a it ringring ih a saduhthah cu khua dangih um a pilepu hnenih va tlawng a si, online mipi le mibawmtu pawlkom in a thuhla an thei ih a pilepu hnenih a tlawng theidan ding an tawlrel sak.

Ahmaisa ahcun lawng (speedboat) thawn va tlawng a duh nan a dinhmun in a pe lo ruangah helicopter thawn tlawng a duh thu a sim. Covid-19 ruangah helicopter khal hmuh a har zet nan mitlawmngai pakhat in a helicopter a hmangter.

Cutin a pilepu tei khua Kampung Bukit Hijau, Mukim Derang ah an va fehpi ih nuam zetin caan a hmang. Noraifa in “Ka pilepu tei inn ah ka um theisal ruangah tuisun cu ka hlim tuk, in bawmtu nan zaten parah ka lungawi tuk” a ti.

A pilepu kiangah aum theisal ih a natnak khal theihhngilh lawk in caan a hmang, cutin a saduhthah an tuahsak hnuah a dam lo vivo ih June 1, 2021 ah a natnak tuar nawn loin a thi.

Be the first to comment

Leave a Reply

Your email address will not be published.


*