A Thih Hlante Ah An Hnamaw Ta >>>

Hong Kong putar kum 84 mi cu a thih hlante ah “Veikhat te in hnam aw” a tiih a nupi in mitthli fawr phahin a hnam hnuah hringnun a suahsan. Cutin an hnamawk lai cu an fapa in arak zuk ngah ih an zuk cu “Goodbye Kiss” tin a lar zet.

Hong Kong Film Festival ah an fapa Xu Yingwei cu leitlun ih zuk mawi bik rak zuk ngahtu tin laksawng an pe. Xu Yingwei ih nulepa cu sentecai an si, kum 7 mi an si lai ihsin an theiaw thok. Cutin tlawng an kaitlang ih hringnun an hmantlang vivo hnuah an neiaw.

Fate an nei ih an tule pawl khal an hmutlang. Hringnun ah buainak, numanak le thil ziangtinkim cu kutkaiaw in an paltlang ringring. An kum a upat hnuah innsang pa cu a damlo ih a bese vivo, amahten khal a feh thei nawn lo ih norleng in an nor ṭheu.

A nupi in a tlansan thei lo ih naute vekin a duat, rawl a barh ih a kiangah aum ringring. Innsang pabik cu siizung ah an tuamhlawm ringring ih nikhat cu zianghman a thei nawn lo.

A thaw cu malte te aum lai nan zianghman a thei nawn lo, a kiangah a nupi cu riahsia zetin aum. Cutik lai caan ah a pasal cu ara cang dukdi ih “Veikhat te in hnam aw” avun ti. A kiangih um a nupi cu lungzuur in a mitthli a luang ih a pasal cu a hnam hnuah an ṭhenaw kumkhua. “Goodbye Kiss”

Be the first to comment

Leave a Reply

Your email address will not be published.


*