A Thih Ih Jesuh A Hmu, Ni 2 Hnuah A Nungsal

Ahmaisabik ah himi thuthang cu October 2016 kum ih thilthleng a si ih Christian Today thuthang ah an tarlang ti kan lo theihter duh.

Russia khawpi Moscow siizung ah zumlotu Muslim nu pakhat a thi, a hmin cu Sabina a si ih fate 7 anei zo. A ruak cu siizung sungih mithi retnak khan sungah an ret lawk, asinan ni 2 hnuah ara nungsal ih kiangkap um sibawi le hnaṭuantu pawlin an ṭih tuk.

Sabina in sibawi pawl hnenah “In ṭih hlah uh, ka nungsal zo” a tiih tidai le rawlei ding an pe. A hnipuan pawl an thlengsak sal ih sibawi khalin ziangtin ara nungsal ti a theithei lo.

University Research Hospital ah a taksa sunglam zohdiknak nei dingin an phur, a harhdamnak khal a ṭha thluh ti a si ih sibawi le mithiam pawl cu an luzing thluh. Sabina in a thih hnuah Jesuh a hmu ih Jesuh in “Ka kut hi kai awla ka lo nungter sal ding in ti” a ti, cutin a kut cu a kai ih a nungsal thu pawl a sim thei.

Christian ah a lut ih Pentecostal church hmaiah Jesuh Khirh a zum thu tetti a khan, a fanu 6 le a fapa pakhat hnenah a thilton cu a sim thei ih an zaten Christian ah an lut thluh. A fanu upabik hi Christian dodal zettu a si nan a nu ih thilton ruangah zumtu ah a cang ve. Kum 63 mi Sabina in hringnu a nu kum 92 mi a seherh tuk ih Pathian thu ava sim hnuah a nu le a tupa khal rundamnak an co.

Be the first to comment

Leave a Reply

Your email address will not be published.


*