A Thih Tikah Mawi Zet Ih Thih A Duh Vekin A Innsang Pawlin An Run Tuahsak, Mawi Zetin A Itthat Kumkhua

Philippines, Davao khua ih um fala kum 20 mi Racine Pregunta in damlonak danglam zet (Osteosarcoma) timi anei, a ruhcang cu cancer nat in a ei siat thluh ih sibawi pawl khal an beidong. Amah hi Modelling Photoshoots ṭuanlai a si.

April 12 ahcun a u hnenah “Feh ka man zo” a ti. A thih tikih a hnipuan hruh ding le an ceidan ding pawl khal a simcia thluh. Cun, hringtu a pai thlan kiangah phum dingin a cah ta.

2016 kum ih zuknung “Die Beautiful” zuknung sung vekin mawi zet ih thih a duh thu a sim thei. April 17 ahcun a naa tuar nawn loin a thi, a innsang pawl hnenih arak cah ta vekin mawi zetin an cei ih a pai thlan kiangah an vuiliam.

‘Die Beautiful’ zuknung cangtupa actor Paolo Ballesteros in a thuhla arak thei ve ih “Pao… na mawi tuk” tin ca a kuat. A unu Rolyn in “Ka nau, tuisun cu na mawi tuk. Na lungthlitum kan kimter sokhaw…” a ti.

Thudang: Leiltun ih thihdan mawi bik an timi cu May 1, 1947 kum ih thi Evelyn McHale a si. Building sangpin ihsin a dawp ih a hnuai ih um motor parah ava tla that.

Kum le caan a herliam vivo ih a thihdan cu itthat men a bang an ti, a thihdan cu mawi an ti tuk ruangah leiltun ih thihdan mawi bik tin an rung hminsin. Evelyn McHale ih thihdan cu tuini tiang zuknung le music video sung khalah an rung cawng rero lai.

Be the first to comment

Leave a Reply

Your email address will not be published.


*