A Thisen (DNA) A Zok Hnuah A Pi Thi Zo In Thuphan Arak Sim Ti A Theisuak

US ih um fala pakhat in a thisen DNA a zohdik hnuah an cithlahtu pawl ih thuhla a theisuak. A pi thi zo in thuphan arak sim ti a thei, a pi cu 2002 kum ah a thi. A pi in, “Mirang English kan si” a ti, asinan a thisen a zoh hnuah African American miphun a si thu a theisuak.

Cun a pi ih hmin le suah kum khal thuphan arak sim, a pi in unau zohman ka nei lo a ti nan Virginia khua ah a pi ih suahpi unau 14 anei ti khal a theisuak ih a pi ih unau pawl thawn an va tongaw ih an zuk khal a hmu. A pi hi African American innsang ihsin thanglian a si, suahpi unau 14 anei.

A nauhak laiah hngakáš­ah runinn ah an ret ih midang in an fa si dingin an la, amah cawmtu nupa in an thihsan hnuah inndang ah aumsal. Cutin a hringnun ah harsatnak phunphun a tong ruangah a thuanthu, a sinak pawl cu a thleng danglam thluh.

A suah kum, a hmin le a miphun sinak pawl khal a thleng danglam. Fala Kennedy in, “Ka pi in thuphan in rak sim, ka pi thuhla hi a danglam zet. A hringnun tuaháš­hah, a thar in hramthok a duh ruangah a sinak pawl a thleng danglam ti ka thei” a ti.

Be the first to comment

Leave a Reply

Your email address will not be published.


*