England, Chilthorne Domer khua ih um fala kum 31 mi Hayley in a tlangval kum 45 mi Matthew cu coka nam saupi in a awm ah a dawt ih a nunnak liam. Hayley le a tlangval cu kum 3 sung an umtlang zo ih fa 2 an nei. Matthew in a rualpi pawl hnenah “A aa tuk nan itpit cu a nuam tuk” arak ti ṭheu.
Himi thil a thleng zan ah an pahnih in zu le ritheihsii an tham, Matthew in a fala hi kut a thluak ṭheu. Matthew in a fala hi tlansan a tum ruangah Hayley cu thinheng sup aw thei nawn loin coka nam in a dawt that.
Hayley in palik pawl a ko hngak ih “Nam in ka dawt, a dinhmun hi a ṭha lo tuk” a ti. Neta ih thu an sutnak ah Hayley in, “Ka dawt lo. Nam ka deng ih ziangtin hliam arak tuar ti ka thei lo. Thilthleng hi zianghman ka thei nawn lo” a ti.
A hlan ah Matthew in fala pahnih arak kop zo, a fala pahnih in ‘mi a control tuk, mi hringhro a hmang ṭheu nan mi khal a duat thiam tuk’ an ti. Palik pawlin an thubuai cu an zingzoi rero lai.
Leave a Reply