A Tlangval Ava Tong Ih A Tlun Lamah PDF Pawlin An Rak Kai

Ralhrang kuthnuai ih cangvaitu palik nunau cu khua dangih um a tlangval ava tong ih a tlun lamah tualsung mipi kilhimtu PDF pawlin an rak kai.

January 28, 2022 ah Sagaing, Pale-Gangaw lamzin parah Pale-PDF pawlin khualtlawng sukso pawl cu thusutnak le zingzoinak an nei ih cutawk ah an kai ngah.

PDF ṭuanvo neitu in, “Kan check-gate ah khualtlawng sukso pawl thusutnak kan nei, kan rinhlel deuh ruangah hmundang ah kan hruai ih thusutnak kan neih hnuah palik ṭuanlai ti kan thei. A feh lamah kan kai ngah lo, a tlun lam lawngah kan kai ngah. Gangaw ih um a tlangval ava tong ih a tlun lamah kan kai ngah” a ti.

Palik nunau cu kum 23 mi Ma Phyu Sin Thant a si ih Yangon, Insein palik sakhan ih hnaṭuan lai a si. NUG ih daan le dun vekin an kaihmi palik nunau cu an tuahmawh lo ih ṭhaten an kilkhawi hnu January 30 ah hmun dangah an thawn/kuat.

Be the first to comment

Leave a Reply

Your email address will not be published.


*