A Tlangval Cu Vanzam Lem Te, “Ka Ṭhen Thei Nawn Lo” A Ti

Hungary fala kum 28 mi Sandra in vanzam lem te a ngaihzawng ih ihkhun pakhat ah an ittlang. A nauhak lai, kum 3 mi a si lai ihsin vanzam lem te hi arak duh tuk. A falat hnuah tlangval ngai a nei nan nikum 2021 ah an ṭhenaw.

January 2022 ah vanzam lem te hi online fehtlang in a lei ih sumpai £600 zat a cem. Vanzam a duhdawt tuk ruangah vanzam lem tuahnak hmun ah hna a ṭuan ih a kiangkap ah a duhdawtmi vanzam lemte pawlin an kulh thluh.

Tu’ih a tlangval vanzam lem te cu Luffancs tin a ko ih a itthat hlanah a hnam ta ṭheu, zing a thawh veten a hnamsal. Sandra in, “Ziangruangah ka duhdawt ti cu ka thei lo, ka duhdawt top si ko. A mawi tuk, khuanui samhrisih kan si. Ka rak kopmi zaten lakah cun ka duh bik.

Minung ngai hi ka duh thei nawn lo. A hrangah ka rinum ringring ding, ka ihhlan ah ka hnam ta ih zing ka thawh veten ka hmuh hmaisabik mi a si. Nupa-sinak khal kan hman ṭheu ih diriamnak ka ngah” a ti.

Be the first to comment

Leave a Reply

Your email address will not be published.


*