A Tlangval Hlun In Kirzai A Rel Lo Ruangah A Bike A Urkang Sak

Thailand khawpi Bangkok ah fala le tlangval duhdawt aw zet an rak um, fala kum 36 mi Kanok Wan in a tlangval cu a duhdawt tuk ruangah bike mankhung pawl 1 million baht (£22,450/$31,192) man a leisak.

Cumi hnuah a tlangval tlawnginn ih hnaṭuan in a ṭhen, Kanok Wan hnenah kirzai rel a tum nawn lo ruangah Kanok Wan cu a thinheng tuk ih arak pek mi bike cu ava urkang sak.

Petrol burpi a kengih bike cu a urkang, hliamtuar cu an um lo nan kiangkap ih an ret mi bike 6 khal an kangsiat. Firefighters pawl an va thleng hngal ih building a kang hlanah an mit thei.

Building parah Srinakharinwirot University Prasarnmit Demonstration School aum nan tulai Covid-19 ruangah online ihsin tlawng an kai ih hliamtuar zohman an um lo. June 23 sunah Bangkok police pawlin fala Kanok Wan cu an va kai ih thilumdan pawl cu an sut rero lai.

Be the first to comment

Leave a Reply

Your email address will not be published.


*