A Tlangval In A Hnam Duh Lo Ruangah Palik Hnenah Thubuai A Thehlut

England, Lincolnshire khawpi ih um fala pakhat cu a tlangval in a hnam duh lo ruangah ti ngaihnak a thei lo ih tualsung palik hnenah a sim thei. Palik pawl a phone nan palik in an bawm thei lo thu an rak sim.

Cumi hnuah The Lincolnshire Police in mipi theihternak an tuah ih, “Zangfahten nunnak le thilri siatsuah thuhla ti lo ahcun zual rung ko nawn hlah uh. Christmas caan ahhin kan buai cuang lo ruangah kan caan nan ti hlolakter. Thu poimawh si lo, in biak sungah mi ṭhenkhat ih nunnak arak liam man thei” an ti thu BBC thuthang sungah an tarlang.

The Lincolnshire Police in ahlan khalah mi ṭhenkhat in tlangleng hnaṭuantu pawl ih phone number tla in sut ṭheu, ṭhenkhat in haa tuahnak dawr tla in sut, tidai an neih lo thu tla zual an ko. Minung nunnak thuhla le thil siatsuahnak thuhla ti lo thudang ah zual nan ko duh asilen 101 number ah phone uh” an ti.

Madhya Pradesh khalah fala pakhat cu a tlangval in a be duh lo ruangah palik sakhan ah thubuai ava thehlut zo, a tlangval ih suahcam arak theihhngilh pang ih zianghman a tuahsak lo ruangah a tlangval ih a ngol ih a be duh nawn lo. Palik pawlin an pahnih in an ko ih nazi tawkfang sung an thubuai cu an buaipi hnuah an remaw theisal.

Be the first to comment

Leave a Reply

Your email address will not be published.


*