US, Indiana khawpi ih um fala kum 26 mi Gaylyn in a tlangval rinum lo cu motor in a rial that, veithum rori a rial ih a hmun ah a thi cih.
A tlangval kum 26 mi thotho Andre in fala dang a kop thup ti rinhlelnak anei ih a zoh thup ṭheu. June 3 sun ah a tlangval luhnak zuhmun ah ava lut thutthi ih a tlangval cu fala dang thawn an rak totlang lai a hmu. Zu palang in fala cu a vuak tum ih a tlangval in arak kai man.
Zuhmun ahcun an buai ciamco ih ṭuanvo neitu pawlin an pathum in an suahter. Gaylyn le a tlangval cu an suak ih fala cu zuhmun ah a tang lai, lenglam ah an va buai ciamco bet ih Gaylyn in a tlangval cu motor in a pah hnuah a rial. Veithum rori a rial, a tlangval cu motor hnuaiah a tang.
Cumi hnuah zuhmun ah ava lutsal tum ih fala cu kut a thlak tum, cutawk ah tualsung palik pawl an va thleng man ih an kaibet. Motor hnuai ih um a tlangval cu an va zohdik ih a nunnak arak cem zo.
Leave a Reply