A Tlangval Ruangah Inndot Par Ihsin A Dawp That

London khawpi ih um fala kum 24 mi Damilya cu a tlangval ruangah inndot par ihsin a dawp that. Damilya cu China ramri ih um Kazakhstan rammi a si.

A tlangval Alessio thawn kumhnih le hrek sung an kopaw zo ih buainak an nei ringring, a caan len an ṭhenaw ih an kopaw sal ṭheu. Ritheihsii le zu khal an intlang ṭheu, a tlangval in nupa-sinak an hmanlai cu a thupten arak zuk.

Buainak an neih laitak ah a tlangval in video cu a kuat ih ‘na hringnun ka siatsuah ding’ a ti, cumi video cu a rualnu hnen khalah a kuat ih, ‘neta ahcun nangmah ka lo itpi ding’ tin a ngan. A tlangval in a video cu a thehdarh tum ruangah a thinlung a buai thluh ih inndot par ihsin a dawp that.

A tlangval in, “Miṭha zet a si, mi ṭihnung um tuk tin in relsiat ṭheu ruangah phuba laknak ah video in ka hringhro. Ka siraw tuk, ka thiltuahmi hi a ṭha lo. Ṭongkam kan relawk ruangah video hmangin ka hringhro, ka thiltuah mi cu hmuhsuam awknak a si. Ka lung a kuai” a ti. A tlangval cu palik pawlin an kai.

Be the first to comment

Leave a Reply

Your email address will not be published.


*