A Tlawngkainak Zalte Ah Bomb A Pai Ih Ralkap Pawl A Thihchilh

Karen rawlthar kum 19 mi Htun Linn Aung cu mipi ralkap PDF ah a lut ih ralkap pawl a do. May 25 sunah KPDF pawlin Loikaw khuasung ih um ralkap le palik pawl an va kap ciamco, Home Affairs Minister, Lieutenant General Soe Htut cu Loikaw khawpi a tlawng laitak a si.

Htun Linn Aung cu phun 9 kailai a si ih ralkap in thuneihnak an lak ruangah tlawngkai thei nawn loin dothlennak ah a tel, tlawng a kailai ih arak pai ṭheumi zalte sungah cabu pai ding aum nawn lo ruangah bomb a pai ih ralkap pawl cu a do.

A rualpa thawn ralkap tank pahnih bomb an va puah ih ralkap 5 an thi, vanduai thlak zetin Htun Linn Aung le a rualpa khal an thi ve.

KPDF pakhat in “Kan milisa 2 in ralkap tank an va puah, ralkap tank 2 a siat thluh ih kan milesa 2 khal an thi. Ralkap lam 5 an thi ve, kan doawk laiah kan milesa 3 an hlo” tin The Irrawaddy thuthang hnenah a sim. Zuk: Htun Linn Aung ih zuk a si, a rualpa ih zuk le hmin cu an tarlang lo.

Be the first to comment

Leave a Reply

Your email address will not be published.


*