A U A Run Ruangah An Kap That, A U Khal An That

September 12 zinglam ah Magway Division, Taung Laung khua kiangih um ralkap pawl ih phone MyTel ban cu zo ti theih lo pawlin an siatsuah ih an urkang. Ralkap pawlin ban siatsuahtu cu an hawl vivo.

A sun nazi 3:00 hrawngah ralkap le palik tam zet cu Taung Laung khua sungah an va lut ih an khuatlang mino hruaitu tei inn ah an lut. Dalan ih sim theinak ruangah mino hruaitu kum 40 mi Ko Myat Soe cu thu an sut ih kut an thlak ciamco, a kawng ah meithal in veihnih an kap.

A nau kum 20 mi Ko Pyae Gyi in a tuar thei nawn lo ruangah a u cu ava run ih an rak kap that. Cumi hnuah Ko Myat Soe khal thu an sut vivo ih an vua that. Tualsung mi 4 khal an kai ih an thuhla cu theih a si nawn lo.

Tualsung mi pakhat in, “September 13 sun ah ralkap pawl an rasal, an duhmi pawl an kai ngah lo asikhallen kum 15 tlunlam khuasung mino zaten kan kai thluh ding. Nan khua khal kan urkang ding tin in hringhro” a ti.

Ralkap pawlin an hringhro ruangah khuasung mipi pawl cu ramlak ah an tlan. Vishnoi PDF in, “Ban pawl siatsuahnak ah ralkap in PDF silo mino 2 an that, mino 4 an kai ruangah an innsang pawl thwan kan riahsia zet. Mual liamtu pawl khal upatnak kan pe ih an hrangah phuba kan la ding…” tin an tarlang.

Be the first to comment

Leave a Reply

Your email address will not be published.


*