A Unaupa Le A Mo Naupai Lai A That

US, South Dakota ih um mipa kum 57 mi Brent in December 12, 2021 sun ah a unaupa cu baseball bat in a lu ah a vuak ciamco ih a hmun ah a thi.

A unaupa ih nupi khal innsung ava lut veten namtong in arak sat that. A mo cu naupai lai a si ih a naupai cu thla 9 a kim zo, a pumsung ih naute khal a thi.

Vengsung mipi pawlin thildik lo aum ti an theih ruangah palik pawl an ko ih an va zohdik cu an innsung ah mithi ruak pahnih an hmu. Brent khal palik pawlin an hruai ih tualthat thubuai orhter in thawnginn sungah an khum.

Palik pawlin thu an sutnak ah Brent in, “An parah ka thinheng tuk” ti lawngin a sim thei, ziangruangah a thinheng ti cu a relsuak lo ih an zingzoi rero lai.

Be the first to comment

Leave a Reply

Your email address will not be published.


*