A Voih A Zuar Ṭheu Ih Zarhkhat Ah $70,000 A Ngah, Asinan A Voih Tamtuk Ruangah A Damlo Bese

US, Connecticut ih um fala kum 31 mi Stephanie Matto cu online sungih milar hminthang pakhat a si. A eihawlnak hi a danglam zet, a voih a zuar ṭheu ih zarhkhat ah AUD$70,000 (£38,000) a ngah thu Reality TV show hnenah a sim thei.

A voih cu palang burte sungah a khum ih online fehtlang ihsin a zuarsuak ṭheu. Nihnih sungah bur 97 a zuarsuak thei. A voih tam theinak dingah ei le in ah pee le voih tamnak thil pawl a ei hrim ṭheu.

Stephanie Matto in, “Ahlan ah ka bawngbite hlun, bawli hlun, ka sam le ka takkolhnak tidai pawl lei dingin in rak dil ṭheu. Asinan ka zuarsuak lo ih voih zuar hi a nuam sawn ding tin ka zuar cu ka hlawk phah zet. Palang ah cahnah tla ka ben ta ṭheu, voih zuar cu a nuam in a hlim um tuk” a ti.

Christmas le Kumthar boruak ah a voih cahtu an tamtuk ih voih tamnak ei le in lam lawnglawng a ei ṭheu ruangah le voih a thawh tamtuk ruangah a dam lo bese. Steph Matto in, “Heart-attack ka nei ah ka ruataw lawk, ka thi thlang ding ka tiaw rero ih ka thinphang tuk.

Ka rualpi pawlin siizung ah in phur ih sibawi in in zohdik hnuah na gas umnak a ṭha nawn lo, na voih tamtuk ruangah a si na damlonak cu in rak ti. Ziang asikhallen ka hnaṭuanmi voih thawh cu ka cawlhsan lawk ding” tin mipi pawl hnenah theihternak a tuah.

Be the first to comment

Leave a Reply

Your email address will not be published.


*