AA In An Kaihmi Palik Le Ralkap Lamtang Pawl An Suah Zalen

Arakan Army (AA) pawlin an kaihmi palik 17 lenglo le ralkap, officers pawl cu June 16 sunah an suah zalen thu theih a si.

Myanmar ralkap thawn an rualpi ṭha sinak langternak ah tin an suah zalen mi a si, ralkap in an kaihmi AA chief Major General Tun Myat Naing ih unau, sungkhat pawl khal an rak suah zalen zo.

Tu’ah AA pawlin an kaihmi ralkap lamtang pawl an suah zalen ve, AA in an suah zalen mi palik, ralkap lamtang pawl cu October 2019 kum ih an kaihmi pawl a si.

Oct. 26 2019 ah AA in ralkap lamtang 58 an rak kai ih June 16 ah minung paziat ciah an suah zalen ti cu theih a si lo. AA le ralkap pawl hi an rak doaw nasa zet zo, ralkap in March 2020 ah AA cu tapung tin an rak phuang.

Cumi hnuah an rualpi ṭhaaw sal ih November 2020 hrilawk laiah official loin kaphnih kahcawlhnak an tuah. March 11, 2021 ah ralkap in AA cu ramsung tapung hmin cazin ihsin an hlosal ih a thupten an pehtlaihaw ringring ti a si.

Be the first to comment

Leave a Reply

Your email address will not be published.


*