AA In An Suah Zalen Mi Ralkap/Palik 15 Cu Ralhrang Pawlin An Kai >>>

Arakan Army (AA) pawlin an kaihmi ralkap/palik 15 cu November 15, 2021 sun ah an suah zalen. Asinan cumi pawl cu an pule ralhrang pawlin an kai ih thawnginn sungah an khum riangri, ziangruangah hiti an kai ti cu an relsuak hrih lo.

An suah zalenmi ralhrang ṭhenkhat cu AA kutsung ah kumkhat lenglo an rak um zo, ṭhenkhat cu doawknak tualrawn ah hliamhma nasa zet an tuar hnuah AA pawl ih kaih ngahmi an si. Cutin AA pawlin an zangfah ruangah an suahsal nan ralhrang pawlin rak cohlang men loin an kai sawn.

Arakan Army (AA) pawlin himi ralhrang pawl an suah zalennak cu an kutsung ah kumkhat lenglo an kol zo, ṭhenkhat cu damlo bese tuamhlawm ṭul ringring an si.

Cun an kaih pawl umnak hmun ah natsia kaiawk theimi umsal sehla an kaihmi damlo bese pawl tuamhlawmnak ding siivai lamah an harsa ding ti an phang ruangah le hitin ralhrang pawl an suah zalen asilen ralhrang pawl khalin an kaihmi Rakhine mipi, ULA/AA ralkap khal an rak suah zalen ve ding ti beiseinak thawn an suahmi a si. Asinan an zumdan vekin thil a feh lo ih ralhrang pawlin an suah zalenmi pawl cu an rak kai sawn.

Be the first to comment

Leave a Reply

Your email address will not be published.


*