Chin State le Rakhine ramri ih um Paletwa ah Rakhine ralkap AA pawlin ralhrang helicopter an kap. May 15 sun ah AA thuphuangtu in ralhrang le AA boruak a ṭha lo, kapaw thei dinhmun ah an um thu a phuang.
Cumi hnu reilote ah ralhrang helicopter an kap. Ralhrang helicopter cu Thandaung khua kiangih um ralhrang sakhan hrang thilri bungrua phur a si, tiva ral khatlam ih um AA pawlin an kap ih kaphnih kahawknak a thleng.
Tualsung mi pakhat in, “Helicopter ara zam ih AA pawlin an kap, ralhrang sakhan ihsin an kap ve. Helicopter ihsin khal an kap, khatlam khatlam in an kapaw ih cerek cu khuasung ah a tla. Inn ṭhenkhat an siatsuah, kiangkap khuasung mipi pawl cu hmun dangah an tlan thluh” a ti.
Thandaung khua cu Chin mipi umnak khua a si, Thandaung khuathar le khuahlun ah mipum 300 hrawng an um. Minute 30 hrawng an kapaw ih mithi le hliamtuar cazin cu theih a si lo.
Leave a Reply