AA In Chinmi, Paletwa Pawl Cu An Duh Lo Cingin Ralkap An Ṭuanter

Rakhine ralkap AA pawl hi thuneihnak latu ralkap thawn an pehtlaih awknak a ṭha zet. Cun, Paletwa ram khal Chinram a si nan Rakhine ramsung ah aum an rak ti.

Paletwa, Pichaung ramsung ih um khua mipi pawl cu AA in ULA timi pawlkom an ding ih ralkap ah an lutter thu theih a si. Khuakhat ah minung 3 cu hramhram in an lutter. Paletwa hmailam le dunglam ih um khua pawl cu kan dung thla ihsin an rak lutter rero zo.

Khuasung mi pakhat in “AA pawl an ra ih ULA hrang minung kan ṭul in ti. Kan khua ah minung kan mal tuk ih lo hruai theitu ding an um lo kan rak ti. AA pawlin ‘Asilen, himi khua khalah um nawn hlah uh. Chinram khal a si lo, Rakhine ram a si hi tin in hringhro ruangah kan khuami 2 in an hruai’ a ti.

AA in an hruaimi pawl cu training an kaiter dingih training an theh hnuah khua hruaitu an si ding tin an sim thei. Paletwa, Pichaung ramsung ah khua te 30 lenglo an um ih 2019 kum ihsin AA pawlin sumpai an rak khong ṭheu. Cun, Paletwa ramsung hmun dangdang khalah AA pawlin umhmun an khuar vivo.

Paletwa mi pakhat in “Kan khuami 3 khal an hruai, cumi hnu reilote ah kan khua kiangkap ta khal an hruai vivo. Khua pakhat ah lotheih loin minung 3 cu an hruai, an thlun lo asilen an khua ah thil pakhat khat tuah dingin an hringhro” a ti. (Chin World)

Be the first to comment

Leave a Reply

Your email address will not be published.


*