AA In, “Rakhine Ramsung Ah Hriamkai Pawlkom Dang A Ṭullo, AA Aum Cun A Tawk” An Ti

August 11, 2022 sun ah Rakhine ralkap ULA/AA in, “Rakhine ramsung ah hriamkai pawlkom dang a ṭullo, AA aum cun a tawk. Rakhine ramsung ah hriamkai pawlkom tampi um a ṭullo, mipi zaten ih cohlang mi AA aum cun a tawk” tin an phuang.

Rakhine ramsung ah hriamkai pawlkom ALP/ ANC/AA၊ ULA/AA le pawlkom tenau pawl an um. AA le hriamkai pawlkom picang ALP pawl cu kom aw dingin hmailaknak an rak nei rero zo nan tuini tiang an kom aw thei hrih lo.

Ṭuanvo neitu in, “2009 ihsin 2015 tiang kom aw dingin kan tawlrel nan a cangsuak thei lo. AA in ALP ralkap pawl an kai ṭheu, an kaihnak a san khal Rakhine ramsung ah ralhrang pawl lamzin khihhmuh in an hruai ṭheu ruangah a si.

ALP ralkap in ralhrang pawl an kom ih Rakhine mipi pawl thinphuang dingin an tuah ruangah kan kai. Paletwa ramsung ih ralhrang pawl lamzin hruaitu khal ALP pawl an si, kan kai nan thu kan sut hnuah kan suahsal mi khal an um” a ti.

Be the first to comment

Leave a Reply

Your email address will not be published.


*