AA Kut Sung Ihsin Chinmi 5 An Tlansuak

Thla 2 liamzo ah Arakan Army (AA) hriamkai pawlin Chinram, Paletwa mipi pawl cu an ralkap ah lut dingin an rak hruai. ULA timi pawlkom an din tum ih ralkap an ṭul ruangah khuakhat ah minung 3 cu lo theihlo in an hruaisuak.

An thlun duh lo asilen “Hitawk ah um nawn hlah uh” tin a phunphun in an hringhro. Khuasung mi pakhat in “AA pawl an ra ih ULA hrang minung kan ṭul in ti. Kan khua ah minung kan mal tuk ih lo hruai theitu ding an um lo kan rak ti.

AA pawlin ‘Asilen, himi khua khalah um nawn hlah uh. Chinram khal a si lo, Rakhine ram a si hi tin in hringhro ruangah kan khuami 2 in an an thlun’ a ti.

Pi Chaung khua ih mino 5 cu AA kut sung ihsin an tlansuak sal thu theih a si, AA lam ihsin hringhronak a suak cih ih khuasung mipi pawl cu thlaphang in an um. 2019 kum ihsin AA hriamkai pawl cu Chinram, Paletwa ramsung ah umhmun an khuar ih sumpai an khong ṭheu. (Chin World)

Be the first to comment

Leave a Reply

Your email address will not be published.


*