Accept NUG ၊ Reject Military Hmangtu Cu Ralkap In Kaih An Tum Hnu Ihsin Hmangtu An Tam Deuhdeuh, 2 Million Lenglo An Um Zo

August 9, 2021 ihsin “Accept NUG ၊ Reject Military” NUG cozah kan cohlang, Ralkap cozah kan duh lo timi facebook profile frame cu an hmang thok.

September 14 ah leitlun huap UN meeting an nei ding, 76-nak an meeting dingih Myanmar cozah khal an hrilfel thlang ding. Ralkap cozah maw NUG cozah an hril ding ti cu theih a si hrih lo ih mipi in facebook profile hmangin campaign an tuah.

Curuangah ralkap pawlin “Accept NUG ၊ Reject Military” hmangtu pawl ih hmin cazin an la tum ih pukmah 52 in thubuai an orhter tum.

Ralkap in “Tapung pawlkom NUG cu an cohlang, meithal kengin thilṭha lo an tuah tum. Tapung pawl an cohlang tinak a si” an ti.

Mipi pawl an check-up tik khalah an facebook profile cu an zohsak, cumi hnu ihsin “Accept NUG ၊ Reject Military” hmangtu cu an pung deuhdeuh tin General Strike Coordination Body – GSCB in a phuang. August 12 zan nazi 6:00 tiangah “Accept NUG ၊ Reject Military” facebook profile hmangtu cu minung 2 million lenglo an si.

Be the first to comment

Leave a Reply

Your email address will not be published.


*