Adelaide Lai Christian Church In CNO/CNDF Hrangah AUD $30,000 An Hlu

Australia ram (Adelaide Lai Christian Church) pawlin CNO/CNDF hrangah AUD $30,000 (MMK ting 400 leng) an hlu thu theih a si.

Himi thuhla ah We Stand With Falam CDM Heroes in “10 October 2021, “Zohthimtlak zetmi Adelaide Lai Christian Church”. Phunpi unau zate’n, kan sulphumnak kan khua leh kan ram ah tuvek in buainak leh harsatnak phunkim a thleng tikah ramleng um u le nau pawl daite’n um menmen a theih lo ih kan ti theitawk bawm dingin nasa zetin cangvaihnak kan hmuh tikah thazang tam zet a tlung sal ṭheu.

Tu khalah Australia ram Adelaide khua ih a ummi Adelaide Lai Christian Church cun mipi ralkap CNO/CNDF hrangah Australia Dollar $30,000 bawmnak an pek ding, Mipi ralkap pawl anhai lo te’n an um theinak dingah tiin Australia ram Adelaide khua ih um kan milesa pawl hnen ihsin bawmnak kan hmuhsal tikah lungawinak tampi kan nei ih kan hna in ngam ter zet.

Himi bawmnak an pekmi pawl hi mipi ralkap an cak sinsin theinak dingah le nitin an ṭulsammi ei-in, thuamhnaw, sivai le thildang ah ṭulmi pawl hrangah hman a si ding. Miphun duhdawtnak a takin a langsuak tertu zohthimtla zetmi Adelaide Lai Christian Church pawl tlun ah a letza in Pathian in malza sawm hram seh.

Hmundang leh ramdang ih a ummi kohhran leh pawlkom tin khalin pehzulh in mipi ralkap siseh donhar in a ummi kan mipi pawl pehzulh in bawm leh dinpi peh vivo ding khalin kan run lo sawm duh bet. Miphun ih nan hnaṭuanpi, Chin Crisis Relief Funding Committee”

Be the first to comment

Leave a Reply

Your email address will not be published.


*