Afghanistan Vanzam Par Ihsin Tla That Tlangval Ih Thuhla Cu A Innsang Pawlin Hitin An Rel

Taliban tapung pawlin Afghanistan ram cu awlsamten an la ih mipi in an ṭih tuk ruangah airport ah an tlanlut ciamco ih USA vanzam to an tum. US ralkap pawl ih vanzam a si ih an milesa le ralkap pawl phurtu ding a si.

Airport ih mipi pawl cu an control thei nawn lo ruangah American C-17 vanzam cu a zamsuak thutthi. Minung tam zet cu vanzam phar ah an bet nan an tla that thluh, minung paziat ciah an tla that ti cu an nenhnget thei hrih lo ih amal bik 3 cu an si ding.

Vanzam par ihsin tla that pakhat cu tlangval kum 17 mi a si, a innsang pawlin “Canada le United States in raltlan minung 20,000 an la ding timi thuthang lengvak arak thei ih, a ID a lak hnuah zianghman in sim ta loin a tlansuak ih airport ah ava feh.

A ruak khal kan hmu zo, a naupa kum 16 mi khal tuitiang aumnak kan thei hrih lo. A nungdam maw, a thi khal sisehla a ruak te tal cu kan hmu duh.

Siizung pakhat hnu pakhat kan va hawl vivo nan kan hmu thei hrih lo. Hringtu a nu cu lungkuai in a ṭap rero lai” an ti. A thaizing August 16 ah US Air Force pawlin Udeid airport an thleng hnuah an vanzam ke lakah minung taksa them an hmuh thu an rel.

Kabul thuthang khalah “Vanzam par ihsin mino 3 an tla ih inn parah an va tla ngah. Tualsung mipi pawl khalin an tla awn cu a ring in a rapthlak tuk” an ti.

Be the first to comment

Leave a Reply

Your email address will not be published.


*