Africa Ah Nunau Pakhat In Pasal Tampi Neih An Siang Ding

South African ah nunau pakhat in pasal tampi neih an siang ding thu an phuang ih pawlkom dangdang in an dokalh. South African ramah mipa pakhat in nupi tampi neih an siang zo ih, sinak bangaw neiaw khal an siang zo.

Cuvek thotho in nunau pawl khal zalennak an nei ve an ti. Asinan, African Christian Democratic Party (ACDP) hruaitu Kenneth Meshoe in “Himi daan thar in African nunphung a siatsuah ding” a ti.

Nupi 4 nei Musa Mseleku in “Ziangtin an fale teh an um ding, zoi fabik an si ding. Nunau cu mipa vekin an um ve thei lo, asilen nunau in mipa man (mopa man) a pe ding maw si. An innsang, an cithlah cu nunau hmin in maw an fehpi ding. Kan nunphung a siatsuah ding” tin a dodal.

Dodaltu an tam zet ruangah South African cozah in an cohlang kem maw ti cu theih a si hrih lo. Himi thuhla zingzoitu Professor Collis Machoko in “Africa ah nunau le mipa dinhmun bangaw ding cu a cang thei hrih lo, asinan kan control thei lo mi nunau pawl hi ziangtin kan tuah ding ti kan thei lo” a ti.

Be the first to comment

Leave a Reply

Your email address will not be published.


*