Africa Ramlak Rul Luhnih Nei An Kai

Africa, Durban North khua ih um pacang pakhat in a ramvahnak ah rul danglam zet a kai ngah. Rul luhnih nei a kai ngah ih ṭhaten bur sungah a khum. A unaupa in rul pawl tuamhlawmtu Nick Evans a phone ih rul cu a kut ah an hlan duh thu a sim thei.

Rul kaitu in, “Kan hmuan ah ka kai ih midang tuahmawh ding ka siang lo ruangah ka lo pe ding” a ti. Nick Evans cu an khua ah ava feh hngal ih rul cu an rak pe, Nick Evans in lungawithu a sim ih rul cu zingzoitu pawlkom hnenah a hlan. Rul zingzoitu pawlin ṭha zetin an kilkhawi ih hlakhlainak an nei rero lai.

Nick Evans in, “A cangvaihdan hi zoh a nuam tuk. A caan len lu pahnih ih feh tumdan hmun a bang aw lo, hmun dangdang ah an feh tum veve. A caan ahcun lu pakhat sawn hi daiten aum men ih pakhat ih hruainak hmun ah an feh vivo.

Rul ṭihnung um an si lo, vate le arti pawl an ei ṭheu. Ramlak ah um sehla cun an nungdam rei lo men ding, an tlancak lo tuk ruangah an ral pawlin awlsamten an that thei ding” a ti. Ramsung luhnih nei hi an um phahphah. Hnawifawn ramnung aiin bok vak ramnung lakah luhnih nei ih piang an um tam sawn.

Be the first to comment

Leave a Reply

Your email address will not be published.


*