Aizawl Ihsin Lairawn Hrang Oxygen Burpi 200 An Kuat Suak

Myanmar ramsung buainak ah Chin mipi pawl ih beunak pakhat cu Mizoram hi a si. Raltlan tam zet an va beu zo, India cozahpi cun raltlan pawl a cohlang lo nan Mizoram cozah in unau sinak vekin arak cohlang.

Covid-19 natsia in Chinram a nuai tik khalah oxygen bur an rak kuat suak rero zo. July 14 zing khalah Mizoram CM Pu Zoramthanga le Pu Ramthanmawia (Papuia) MLA, East Tuipui AC ih tawlrelnak in oxygen bur 119 an kuat suak ih Tahan ih damlo pawl hnenah an zem.

Tuiṭum khalah oxygen burpi 200 an kuat suak sal ti theih a si. Ṭuanvo neitu pakhat S. Hu Lian in “Chin miphun tuallennak Lairawn khawlipi hman ding Oxygen bur-pi 200, Aizawl ihsin kuat a si.

Tluangtei a thlen theinak dingah thlacamnak thawn bawm cio uh si. Himi cangsuak dingih hmaisialtu Mizoram cozah le tlawmngai pawl tlunah kan lungawi” tin a tarlang.

Be the first to comment

Leave a Reply

Your email address will not be published.


*