Amah Pawngsualtu Thawn An Neiaw

England fala kum 24 mi Amanda cu February 2018 ah a hnaṭuanpi mipa kum 34 mi Mihai in a pawngsual. Mihai cu Romania ram mi a si ih UK ah hnaṭuan in aum, pathlawi fakhat nei a si. Amanda cu mipa itpi hrih lo fala thianghlim lai a si ih a zakzum zet, a hnaṭuannak ah rualpi khal anei dah lo.

A hnaṭuannak ah Mihai hi ava lut ih Amanda thawn an komaw, hnaṭuan fehlam le tlunlam khal Mihai in a hruai ih a thlah ringring, an nel’aw vivo.Veikhat cu simlam hnaṭuannak ihsin an tlunlam ah Mihai in a duhlo nacing in a sualpi, a sualpit hnuah ngaithiam a dil ih midang hnenah in sim hram hlah, fapa pakhat ka nei ih in kai asilen ka fapa in a tuar ding a ti.

Amanda in a fapa ih nunnak a seherh tuk ruangah a thilton cu zohnen hmanah a sim lo, an hnaṭuannak ahcun an karlak ah ziangthil hman thleng lo bangin an um veve. Amanda in, “Hnaṭuannak ihsin kan tlunlam ah in pawngsual ih ka ṭap ciamco, duhtawk dingin ka ngen nan a cawl duh lo. Ka thianghlimnak in laksak, Jehovah’s Witness ka si ih nupi pasal neih hlan ih nupi-sinak hman cu kan sakhuanak in a duh lo” a ti.

Cutin a pawngsual hnuah Amanda cu nau a keng ih a beidong tuk, a nu le an kawhhran upa pawlin palik hnenah thubuai na thehlut ding maw, a kiangah na um ding an ti. Mihai in thilthleng a theih veten a hnenih um dingin a ko, cutin kutsihnak an nei ih a duhlo cingin Mihai in a sualpi ṭheu. Pawngsual hi a zawngsan.

An umtlang hnuah Amanda in fanu te anei, a pasal in fapa neih a duh tuk nan fanu a neih ruangah a hmuhsuam deuhdeuh. An fanu te kiang khalah a pawngsual ṭheu, an kiangah an fanu cu a ṭap rero. Amanda in ṭhen tum in a tlansan ṭheu nan ‘na ra kirsal lo asilen keimah le keimah ka thataw ding’ tin nam thawn a tinawk lai zuk a kuat, Amanda in a thataw ngaingai ding ti a zum ruangah a kirsal ṭheu.

Kumkhat le hrek an umtlang hnuah Amanda in a tuar thei nawn lo ih palik sakhan ah thubuai ava thehlut ih a parih thilthleng cu a sim thei. Palik pawlin Mihai cu an kai ih kum 17 sung thawngtla dingin a thu an ṭhencat, thawnginn ihsin a suah veten an ram ah an kuat tlung ding.

Amanda in, “Ka nolai caanṭha cu a siatsuah thluh. Ka fanute tello cun hringnun ka hmang ngam lo, keimah vekih hmuhsuam tong nan um ve asilen ralṭha zetin phosuak uh, midang hnenah sim lohli uh” a ti.

Be the first to comment

Leave a Reply

Your email address will not be published.


*