An Biakinn Kiangah Tisartan Ava Ih Pastor In Khawm Dingin Arak Sawm

Florida, Victory Church biakinn kiangah tisartan ava feh ih biakinn hnaṭuantu pawlin an rak hmu cu an ṭih tuk. Tulai thli le ruah a tam tuk ruangah tisartan vakvai si an zum.

Hnaṭuantu pawlin Pastor Daniel Gregory cu an ko hngal ih pastor in “Biakinn ah ara tum a si hi, rak ready uh. A thlarau dinhmun ka theifiang lo nan ka sawm a ṭul’ tin khawmnak ih telve dingin a sawm.

Business card khal a hmuh ih tisartan hnenah “Sunday zing nazi 9:00 le 11:00 ah khawmnak kan nei ṭheu. Kan biakinn ah zovek, ziangvek khal kan lo cohlang a si” a ti.

Ramsa lam ṭuanvo neitu pawlin an va la hngal ih pastor ih tuah vekin midang in tuah ve lo dingin forhfialnak an nei. Florida Fish and Wildlife Conservation Commission, Adam Brown in “Hivek ramsa kiangnai ah feh hlah uh. A ṭihnung tuk’ a ti.

Be the first to comment

Leave a Reply

Your email address will not be published.


*