August 17, 2022 zinglam nazi 9:30 hrawngah Sairang ihsin lo hnaṭuan dingih feh pawl le Buichali kiang tiva ih um pawlin mithi ruak fen an hmu ih an dum hngal hnuah an lasuak. Sairang YMA hruaitu le palik pawl an va tlan hngal ih nauhak kum 10 mi Malsawmkima ih ruak ti an nenhnget.
Hringtu a pa Pu Mafaka cu an hmu hrih lo. August ni 2, 2022 ah Pu Mafaka tei pafa hi motor thawn cansualnak an tong ih Tlawng tiva an tla, an motor cu an hmusal ih anmah cu an um nawn lo.
Tualsung mipi pawlin an hawl rero nan an hmu thei lo, a nupi fanau pawl cu an thinhar zet. Ni 7 tiang an hawl hnuah Mizoram dan vekin a burpi ih hawl cu an colhsan ih thlahnak an tuah.
An cansual ihsin ni 17 hnuah nauhak kum 10 mi Malsawmkima ih ruak cu an hmu, a pa Pu Mafaka ih ruak khal an hmuh lohli theinak dingah thlacamnak thawn bawm cio uh.
Leave a Reply