An Caw Hlo Ava Hawl Ih Ramri Kiltu In An Rak Kap That

Rakhine State, Kyarmeetaik khua ih um pacang in an caw hlo ava hawl ih ramri kiltu ralhrang pawlin an rak kap that. Kum 35 mi Kyaw Maung Thar cu Danat miphun a si, an caw pakhat a hlo ih March 13 zan nazi 6:00 hrawng ah an khua kiangkap ramlak ah ava hawl cu a vanduai.

An sungkhat in, “An caw pakhat a hlo ih an khua kiangkap ah ava hawl cu Border Guard (2) pawlin an kap that. Ralhrang pawlin khuasung motor an ko ih siizung ah an phunter, siizung ah an thlen tikah cun a thi zo” a ti.

Ramri kiltu ralbawi in an khua lal a phone ih motor thawn sakhan ah ra aw’ a tiih siizung ah an phurter nan an tlai zo. Kyaw Maung Thar in a nupi le a fale 4 mual a liamsan, a ruak cu Maungdaw Hospital ah aum lai ih an khua lam tlunpi dingin an tawlrel rero lai.

Be the first to comment

Leave a Reply

Your email address will not be published.


*