An Cawpi An Zuar Ih Ralkap Pawlin Sumpai An Lonsak

Mandalay, Pyin Oo Lwin District, Kyaukse Lay khuate ih um pacang pakhat in an cawpi ava zuar ih lungawi zetin a tlung. Asinan October 22 simlam ah ralkap pawlin an va vel ciamco hnuah an sumpai cu an lonsak thluh. A hmin cu Hla Myint a si ih tulai boruak sia thawn sumpai an nei lo ih an thinhar zet.

Hmin tarlang rem lo an khuami pakhat in “Caw an zuar thu cu ziangtin ralkap pawlin an rak thei ti kan thei lo, zoin ha maw rak sim thei ding. A zan ah kan khua ah ralkap pawl an ra lut ih Hla Myint tei inn ah an va feh, an vuak ciamco hnuah an sumpai ting 4 le hrek an laksak. Hla Myint ih fapa khal an vel” tin media hnenah a sim thei.

Zan nazi 8:00 ah ralkap pawl cu bike 8 le motor pakhat thawn an va feh ih ṭhenkhat cu ralkap uniform hruh loin meithal an keng thepthep. Hla Myint tei inn an feh hlanah an khua ih phungyi tlawnginn le kiangkap inn ah an lut hmaisa ih an thilri bungrua pawl an siatsuah sak.

Madaya Educational CDM Committee-MECC pawlkom khalin thilthleng ngaingai a si tin an nenhnget. MECC member pakhat in “Ralkap pawl ih cangvaihdan cu meithal kengih suamhmang pawl ih cangvaihdan thawn a danglam lo” a ti. Tulai Kyaukse Lay ramsung ah ralkap pawl an cangvai nasa tuk ruangah an thlaṭem in an thinhar zet.

Be the first to comment

Leave a Reply

Your email address will not be published.


*